Mera Desh Jal Raha Hai

Mera desh jal raha hai

Dard bhari siskiyon se machal raha hai

Aag se jali galiyon se guzarte waqt

Dhuan bhi un lamhon ki kahani bayan kar raha hai

 

Na kisi ko dikh raha hai

Na koi samajh raha hai

Bas bhedh chaal mein bhed bhaav badh raha hai

Kahi suni baaton pe har koi chal raha hai

 

Apne sochne ki shamta ko pare rakh kar

Kuch logon ke rasookh se bhatak raha hai

Sahi galat ka to sawaal hi ab nahi hai

Bas humein zada hone do ek baar pe badh raha hai

 

Ye kyun na dikh raha hai

Koi kyun na samajh raha hai

Ab sirf ye waqt ka khel hai

Aur waqt bahut tezi se nikal raha hai…

 





___