Bachpan

Chote se dil mein basti choti si asha,
Pyaari si aankhiyon mein liye bade bade sapne,

Kaagaz ki kashti se karte natkhat sharartein,
Baarish ke paani mein chap chap karte na maante,

Woh daadi ki daant, woh dada ka pyaar,
Woh papa ki seekh, woh mummy ka dular, choti choti baton ko bado ki tarah samajhna,

Hamesha kuch naya karne ka hunar rakhna,
kalpana ki duniya mein jeeti choti si khwaishein,

Gilli danda, chupan chupai, posham pa, tipi top jaise khel niraale,
Woh behno se ladna, roothna, manaana,

Woh bhaiya se choti choti khwaishein manvaana,
Bachpan ki yaadein, hamesha sang hain rehti,

Na hota ye bachpan, to zindagi na hoti.





…